Prezidentimizning sog'liqni saqlash tizimini rivojlantirishga oid qarorlari ijrosini ta'minlash maqsadida, filialimiz bazasida xalqaro ilmiy konferensiya tashkil etildi. Unda Rossiya, Hindiston, Turkiya va Janubiy Koreyaning yetakchi kardiolog-jarrohlari o'z ma'ruzalari bilan qatnashdi.
Xalqaro tajriba almashinuvi
Konferensiya davomida yurak ishemik kasalligini barvaqt aniqlash, murakkab operatsiyalarda yangicha yondashuvlar va operatsiyadan keyingi reabilitatsiya masalalari muhokama qilindi. Shuningdek, xorijlik mutaxassislar ishtirokida 10 dan ortiq murakkab amaliyotlar master-klass sifatida namoyish etildi.
